اخترت بعض الحكم ارجو ان تعجبكم
في الجزائر نتداول الحكم والامثال في اي تصرف نراه
فستمتعو بهذه الحكم الرائعة على افواه اجدادنا الجزائرين

الي يخلط روحو مع النخالة ينقبو الجاج
- خصك السواك يامعوجة الاحناك

- الضحك يضحك على الضحك والضحك يضحك عليكم
المذبوحة تضحك على المسلوخة و المسلوخة تضحك على المقطعة

- الي ما شبع من القصعة ما يشبع من لحيسها
.:
- الي فاتك بليلة فاتك بحيلة:
- وطني وطني ولا مباتي في القطني.::


- خوك خوك و لا يغرك صاحبك.::

- جا يسعى ودر تسعة.

- اجا يكحلها عماها.::

- كثير لصحاب يقعد بلا صاحب.::

- الي ما عندو زهر يتعزى فيه

- الحاجة التي لا تهمك وصي عليها زوج امك

- حب واري و اكره وداري
فرحت الحزينة خربت المدينة

- نيتك مطيتك

- راح الزمان بناسه وجاء ها الزمان بفاسه وكل من تكلم بالحق كسر لو راسه

- لولاك يا كمي ما اكلت يافمي

- لولا اختك ما صرت ابن عمتك
- دواء ما لا تشتهي النفوس تعجيل الفراق

- لا اصل شريف ولا وجه ظريف

- لا عاش العار ولا بنو له الدارأخدم باطل ولا تقعد عاطل.

- الحمار حماري و أنا راكب من اللور ( الخلف )

- الزعاف يخرج السر.

- الفم المزموم ما يدخله الذبان.

- اقصد الدار الكبيرة لا ماتعشيتش تبات دافي.

- الجار قبل الدار.

- كم من قبة تنزار ومولاها في النار.

- عام يكثر التبن يكثر اللبن.

- الكبش ينباع بجزته.

- الي ماهوليك يعييك.

- حماري ولاعود الناس.

- قد ماتكبر العين الحاجب فوقها.ماناكل البصل ما نحصل.

- حج وزاير بير زمزم و جاء للبلاء يتحزم.

- ياكل من الشجرة ويقطع عروقها.

- واش من مرقة حرقت شواربك.

- ازرع ينبت.
- خرج من الحبس طاح في بابه.

- اقلع راس تزول الخصومه.

- الجرب حكاك و الخائن شكاك.

- صاحبك هو جيبك.

- لي يتبع الاولاد داه الواد.

- هو في الموت وعينيه في الحوت.

- دعوة زوج ولا دعوة عجوز.

- الذهت يغير المذهب.

- يفنى مال الجدين و تبقى حرفة اليدين.

- فوت على الواد الهايج وماتفوتش على الواد الساكت.

- لقاه راكب خشبة قالو مبروك العود (الحصان) .

- لي فيه طبة ماتتخبه.

- انا نوصيك ياسعيد و انت في العمى تزيد.

- في النهار تطوف و في الليل تنسج الصوف.

- يعرف الاوقات كي الفروج وما يصليش.

- هم العرس ولاهم الضرس.

-دير كيما دار جارك و لا بدل باب دارك.

- بيضة اليوم و لا جاجة غدوة.

- اهدر على السبع يهدف.

- اتهلاي يا عصاتي على كساتي

في انتظـــار التفاعل

الي عندو حكمة اول مثل شعبي يضيفو

الموضوع مفتوح للجميع

اختكم ام منذر

- الضحك يضحك على الضحك والضحك يضحك عليكم
المذبوحة تضحك على المسلوخة و المسلوخة تضحك على المقطعة


حنا نقولو

المذبوحة تضحك على المسلوخة والمقطعة شـــــــــــــــــــــــــــــــــبعة ضحك

عندي من هذو الامثال الكثير

هههههههه عندىي جداتي

واش نقلك

بارك الله فيك سيدتي عاى أمتاعنا بهذه الأمثلة

باااااااااااااااااااااارك الله فيك على المثال والحكم

مشكورة على الامثال اقبلي اضافتي
اذا خرجت الفطيرة* ما تبقى فالسماء حيرة والحنش يبات على الحطيرة**

*الفطيرة هي الفترة ما بين نهاية فصل الربيع وبداية فصل الصيف ويمكن تحديديها في الاسبوع الأول من شهر ماي,وكثيرا ما تكون هذه الفترة باردة وممطرة
**الحطيرة هو غصن الشجرة


_اذا سقاهـــــا نيسان يروح العام بلا نقصان
المعنى:اذا جاء شهر نيسان(أفريل)ممطرافالعام يكون خصبااما اذا مر صحوايكون العام نكدا.

مشكورة اختي على الاضافة