أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه. |
إحصائيات المنتدى | ||||||||||||||||||||||||||||||
أفضل الاعضاء هذا الشهر | أخر المشاركات | |||||||||||||||||||||||||||||
| ||
|
الثلاثاء 18 سبتمبر 2012 - 15:12 | المشاركة رقم: | ||||||||||||
مشرفة
| موضوع: مجنون بريكة واجعو قلبو مجنون بريكة واجعو قلبو ملف البريد و المواصلات ببريكة barika أوردافر ordevre يا ناس بريكة لحرار لي راهم ساكنين فيها أو لـ خرجو منها تسمحولي باش متظلمونيش أقـراو هذا لـوردافـر لما يكون المرض صعيب ما تنفعش معاه الوقاية و الحل لازم يكون بالمضادات الحيوية ، بـالابـر ، بالجـراحـة ، بالكـي ، هذا هو حال مدينتي و مدينتكم بريكة لي نحبوها بزاف بريكة لمريضة في ناسها ، في ادارتها ، في مسؤوليها ... يسمحونا ولاد الفاميليـا و الناس لحرار كلنا نحب بريكة بصح وصل الامر باش نكشف الظلم و الاعوجاج بـلاك يحشمـوا و يصلحو من رواحهم و تعـود بريكة نتـاع الصـح . قررنـا باش نكشف كل صغيـرة و كبيرة ، عاهدنا نفسنـا باش ما نظلمـش الناس ، ما نكذبش عليهم لكن الخطـأ و الظلم نكشفوه و نكشق صحابو مهما كانت مراتبهم ، أحنا مناش طماعين ، مناش منافقين ، مرناش رايحيـن نتهد على أي واحـد مرناش رايحيـن نميلو مع لي وسخـو الدين و يبـزنسو بيـه ، مرناش رايحيـن نبزنسـو بالوطنية و دم الشهداء مرناش رايحين نلعبوهـا بلـي منا حدت ، مرناش رايحين نحث على الفوضى أو تخريب أو تكسار ....همنا لوحيد حبينا نربيـو الناس لي ما يحشموش ، لي يحسبـو رواحهم يشريو كلش بـدراهم حتى لعباد كون صابو يشريـوهم بدراهم نطلبو من اخـوانـا القـراء اذا شفتـو في خرجتنـا خير و فايدة تعاونونا ، تعاونونا ، تعاونونا بتعليقاتكم ، بتشجيعاتكم ، بما حصل لكم من مشاكل ، مذبينا لكلام يكون محترم و نعالجوهم بأدب ربما يحشمو على أصلهم و يترباو ، نطلبو ربـي يوفقنـا في مشوارنا الطويل و رحلتنا مع متاعب و مصاعب بريكة . طفسـي حلوة تشـاراك هدية لعمال LA POST نتـاع بريكة ـــــــــــــــــــــــــــــــــــــــــــــ عمال البريد في بريكة مساكن يخدمو بلمزية مساكن كلي راهم مايخلصوش !!!! وحـد المرة قالـي واحد الشيخ الله يذكرو بلخير وعلاش يا بني عمل البوصطة نتاع بريكة يخدمـو بالتشناف وعــلاش يحقرو ؟؟؟ وحد المرة قالتلي عجوز يا بني وشبيها هذيك المرأة التي تخدم في البوصطة و سمها ....... تحسب روحها ما صارتش و تتصرف بوحشية و تسبق حبابها و معارفها و؟؟ و؟؟ قـدام النـاس بـلا حياء أو حشمة . وحـد المرة قالـي معلـم أقسملك باله كي جيو أصحاب لكروش للبوصطة يحيوهم الموظفين من بعيد و يسبقوقهم بلا حياء و بــلا حشما ؟؟ وحــد الانســان قالي في كل العالم عندما ينتهي وقت العمل تغلق أبواب المؤسسة و يسهرون على خدمة من هم في الداخل من المواطنين لكن في بريكة يخرجو المواطنين بحجة أن الوقت انتهى ؟؟؟ وحــد الاستاذة قالتلي زرت الكثير من دول العالم سواء الاوربي أو العربي عمري ما شفق فاكتور أي ساعي البريد بلا لبسة و بلا أناقة الا في بريكة سعاة البريد نتاوعها متقدرش تعرفهم ، متقدرش تميزهم ، ما تقدرش تامنهم ، ما تقدرش تحترمهم خطراكش راهم بلا لبسة لأن المسؤول انتاعهم يسمحنا اذا قلنا انه جاهل و لوكان ما جاتش عيب نقولو عنه حيوان !!!! وحــد المواطـن مسكين عندو سبعة أشهر منذ أن طلب دفتر شيكات ما حصلش عليه !!!! أصحـــاب البوصطة انتاع بريكة نتاع بريكة خباو دفاتر الشيكات نتاع الناس و خمروهم بسبب التهاون و اللامبالات و النتيجة روحو تشوفو كيفاه تعبات خزائنهم بصكوك المواطنين الذين يئسوا من كثرة الطلبات و الاحتجاجات ؟؟ رحو تشوفو المهزلة كيفاه علقو قوائم الصكوك الضائعة و المجهولة الهوية ؟؟؟ وينك يا وزير البريد و المواصلات ؟ و ينك يا والي الولاية ؟ وينك يا مديرية البريد و المواصلات ؟ لي يحب المواطن و لـي يحب دزايــر يشكرنا على هذا لكلام و اذا شافنا ما قلناش الحقيقة يرد علينا و ينعلنا و نخليو المواطن هو لي يحكم . في la poste انتاع بريكة مكانش نظام ، مكانش ظرافة ، مكانش استقبال من طرف الموظفين !! حتى النظافة مكانش ؟ للعجب مكانش ضحكة ، مكانش ابتسامة في وجه المواطن المسكين و المواطنة المسكينة !! حتى باش يديرو مزهرية فيها أزهار أو لوحات جدارية تسر نظر المواطن مكانش ؟ و الغريب في الامر ما ناش عارفين وين راه الروسوفار ؟ واش هو دور ؟ اذا كان أصحاب البوصطة رجال صح و يحبو الخير للمواطن و يمشيو مع الحضارة يسرعو في تصليح انفسهم ؟ رانا مناش حابين نزيدو نهدرو في لكثير من الاشياء لــي تقلقهم و طلعلهم الدم و لتونسيون و عليه اذا ارادو أن نغلق القوس و عفا الله عما سلف ننصحهم ينتبهو خطراكش احنا كمواطنين يصيبنا الحزن و الاسف كينشوفو كل المدن بها بريد منظم الا بريكة رغم انها مدينة العز و الشرف و العائلات لكبيرة المحترمة و العناصر الذكية و المثقفة لي راهم في شتى انحاء العالم ؟ أه منك يــا لــوكــان لوكان نسألو و نسقسيو وشحال نمواطن راحتلو رسالتو ؟ وشحال من مواطن ضاعتلو بريتو و تفضحت أسرارو ؟ وشحال من مواطن تسرقتلو هدية نتاع طرد ؟ وشحال من شاب و من مثقف سرقولو أو ضيعولو مجلات و كتب و جوائز ربحها في المسابقات ؟ وشحال من شاب مسكين ضيعولو موعد مسابقة أو امتحان ؟ وشحال من مواطن جاتو برقيتو متأخرة لقاتو عليها مشاكل ؟ لوكان مجاتش عيب نقولو على أصحاب مسؤلي la poste أنتاع بريكة متهاونين بل مهملين بل مجرمين ؟؟ فـي الدول المتقدمة و المتحضرة لوكان رئيس المحكمة أو وكيل الجمهورية يقرأ مثل هذا لكـلام يسـرع مباشرة كي يحقق في صحته ؟ أيضا في الدول المتقدمة عندما الشرطة تقرأ مثل هذا الكلم تحاول بطرقها الخاصة تتأكد منو صحيح أو خطأ باش تباشر عملها و تفتح تحقيق لإستجواب عمال البريد ؟ و لكن هذا حلم ما زال بعيد علينا خطراكش واحد ما يحب يعمل أو يكسر راسو حتــان تخلى أو يصل الموس الى العظم باش يتحركو !!! أه منكم يا صحاب la poste نتاع بريكة !!؟؟ وين ضيعتو أخلاق المهنة و شرف الضمير ؟ وعلاش ديرو للمواطن هكدا ، وعلاش ، وعــلاش اين انت ايها المجروح يتبع المصدر [ندعوك للتسجيل في المنتدى أو التعريف بنفسك لمعاينة هذا الرابط]
| ||||||||||||
الإشارات المرجعية |
الذين يشاهدون محتوى الموضوع الآن : 20 ( الأعضاء 3 والزوار 17) | |
|