ملـف التعليم و التربويات ببريكة barika

لتولي إدارة متوسطة أو ابتدائية أو ثانوية في بريكة سهل جدا الحصول عليها ، أسهل من الحصول على وصل أو بـون أنتاع سيمة للبناء لمن لا علاقة له بالبناء ، و لتولي ادارة المؤسسات في بريكة يشترط فيك المقاييس أو المواصفات التالية : -أن تكون جاهلا بمطالب و مؤهلات الادارة -أن تكون مستلزمات التربية و الابداع فيها في واد و أنت في واد آخر - أن تكون مؤهلا لدفع المزيد من القروش لمن لهم الفضل في ضمان حصولك على الادارة Les entreprises dans l'enseignement une activité lucrative Où l'éducation dans Barika
Ministère de l'éducation en Barika Not Okay
صباح لخير أهل بريكة لحرار و اولاد الفاميليا و لمتربيين بصح الساقطين و صحاب تكسال و الجاهلين خسارة فيهم صباح الخير ، اليوم ما نخبيش عليكم راني متنارفي و مزعف بزاف ياسر خطراكش تلاقيت مع واحد المعلم من بريكة جاب أولادو للبارك نتاع سطيف حكينا في حوايج كثيرة بصح مسكين متقلق ، متعمر ، مهموم ، زاد قلقني معاه لما كان يحكيلي في مشاكل التعليم ؟ هذا المعلم المسكين قالي أنا قديم في لمهنة و منذ 5 سنوات و أنا أقدم في ملف طلب الادارة لكن ماطارتليش بصح أصحاب الرشوة و الذين معندهمش حتى خبرة أو تجربة أو كفاءة طارتلهم لبلاصة ، قالي كيما وحد الانسان كان مسؤول تعاضدية قطاع تربية كيفاه للعجب حصل على ادارة مدرسة و كيفاه حصل على سكن في قلب الولاية باتنة و هناك لكثير أمثالو ، هذا المعلم قالي كون تشوف في التعليم المتوسط يحبس راسك من تفكير كيفاه صارت إدارة أي تكميلية تتمد ميش بالبيسطو فقط و إنما بالرشوة و دراهم تدفع تدي الإدارة ، ما تدفعش ماتديش الإدارة نشالله تكون مخ عشرة على عشرة ، هذا المعلم مسكين يهدر و الحزن باين على وجهو قالي أقسم لك بالله العلي العظيم و أقسم لك بدم الشهداء و بالشرفاء الأحرار أن كل مديري المتوسطات في بريكة حصلوا على الإدارة بالرشوة ما عدا اثنين أوثلاثة من ذوي الاقدمية أو من خارج بريكة هذا المعلم مسكين قالي كون تروح لأي معلم أو أستاذ في بريكة و تسألوا على أسماء بعض مديري المتوسطات يضحك كثير و يقلك بلي بن بوزيد و مدير التربية في واد و البزناسة في واد ، أسرة التربية في بريكة كلها راهي تتعجب كيفاه تسند تكميليات الأجيال لمن هب و دب دون مقاييس كالكفاءة و القدرة و ليس مقاييس دفع الأموال للبزناسة ، هذا المعلم قالي كان تحب نسميلك أسماء مديري كل المتوسطات لي شراو مناصبهم بدراهم فقلت له لا داعي لأن الناس راهم الآن عرفو الحقيقة ؟؟

معلمة هايلا رايحا تروح للجنة بموافقة بن بو زيد على ظهر تلامذتها

في مدرسة عبد الرحمن دباش المعروفة منذ القديم بهذا الاسم توجد وحد المعلمة بسبب حبها لتلامذتها و رغبتها أن تضرب عصفورين بحجر واحد أي { تدخل الجنــة + عطلة شهر راحة } هذه المعلمة المسكينة لي راها ناويا مع ربي بصح مع مهنتها و مع تلاميذتها و مع الاولياء دارت الحيلة و المكر و الاحتيال
هل تعرفو علاش السبب خطراكش هذه المعلمة لمسكينة خيرت وقت العمرة في وقت عملها و لكن حنا كيما رانا نشوفو أكبر عمرة و أحسن عمرة لوكان تعتنينا بالطلبة مساكن لــي خلاتهم بلا دراسة و نظن هذه الظاهرة راهي موجودة حتى في المتوسطات و الثانويات لأنه في الوانين نتاعنا لمليحة دولة تساعد المعلم أو الاستاذ بشهر خالص على حساب الاجيل اذا حب يروح للعمرة { مع احترامنا لديننا و شعايرنا دينية } و الله العطيم ، والله العظيم ، والله العظيم قالي أحد الاولياء وعلاش هذه المعلمة الى راحت للعمرة و خلات اولادنا في مدرسة عبد الرحمن دباش بلا دراسة متخافش ربي ؟ نظن السيد مدير التربية أو السيد والي الولاية أو السيد الوزير بن بوزيد اذا كان راهم حابين مصلحة البلد و الاجيال لازم يدرسو مثل هذه الظواهر التي بلا شك تترتب عنا مشاكل كثير في المستقبل ؟؟

شكرا للبطل كمال لكوارة
يسمحنا كمال سمينا الاسم نتاعو محقناش لكن الحقيقة ما يلزمش تبقى مخبيا
كمال لكوارة أستاذ رياضيات قديم ، و مراقب عام قديم ، حصل على ادارة المتوسطة بذراعو عن كفاءة و جدارة و مهارة ، كمال فحل و راجل بن راجل و رجل تربية نتاع الصح ، سبقلو أن كان مدير متوسطة طريق الجزار لـي راه حاكمها اليوم واحد من اياهم ، كمال لكوارة فضل التقاعد و ربما هذا لخصوصياتو كيما لكثير من الاساتذة لي خرجو الى التقاعد المسبق بشرف par ce que شبعو و رواو من لعوج و مهمش من صنف لي يدفع رشوة
يسمحنا كمال اذا شكرناه خطراكش راه هو الوحيد لي يخدم في برامج التوزيع انتاع معظم التكميليات لــي المديرين نتاعها حابسا بيهم ، لأنهم مساكن ما همش فاهمين فيها والو فكان و لا يزال منقذهم كمال لكوارة ، مثل ، تكميلية سي يو جي { مسعو فرج } تكميلية المعهد ، تكميلية طريق مقرة ......
لوكان جينا في أوربا واحد مثل كمال normalmon تستعين به لوزارة باش يقري لمديرين خاصة مساكن لي شراو مناصبهم بالدراهم لوكان ما جاتش حاجة عيب و لوكان ماجناش محترمينهم رانا قلنا عنهم حيوانات و بهايم ناطقة

مسكين جمال مزال صابر
يسمحنا سي جمال المراقب العام نتاع متوسطة طريق مقرة على ذكر الاسم .
مسكين هذا المراقب العام حسب مراسلينا من بريكة منذ أكثر من 15 سنـة و هو يطلب الإدارة و لكن ماطارتلوش مع أنه أكثر كفاءة و خبرة و ثقافة ؟؟ هل عرفتم السبب لكي يبطل العجب لأن سي جمال ليس من صنف الذين يعتمدون على الجيب و لكن من صنف الذين يعتمدون المهارة و القدرة و الاختبار ، بصح يا جمال يكفيك فخرا عندما ترى هؤلاء أمام كفاءتك مذلولين ، و من نعم الله علينا أن أوجد لنا هذه الوسيلة العلمية { الانترنت } و اذا كانوا رجال صح يجاوبونا أو يفندو هذا لكلام . باش نعلم القراء بأن مراسلينا بعثونا أشياء كثيرة فيها عجب العجاب !!! من بينها كيفاه كانت la mafia ا نتاع تعاضدية عمال التربية في بريكة تعمل أمثال فلان و فلان و ... و....؟؟؟

نعلم اكثر ولا نجراء على التحدث اترك ذلك لزمن

المصدر [ندعوك للتسجيل في المنتدى أو التعريف بنفسك لمعاينة هذا الرابط]

و اليكن في علمك هذا الموضوع فيه بعض النقائص وساكمل انا :
بريكة التي تعرف بكثرة متمدرسيها هذا العام وهذا فخر لها و عار لها لما يقابله من نقص في الامكانيات و نقص الثانويات وتخلفات في الدروس كما هو حالنا مع الثانوية التي نحن نحتار متا ستفتح(ثانوية حي النصر الجديدة) والتي تعاني من العزلت + نقص في حماية التلاميذ ات خاصة البنات
-ثانوية حي النصر القديمة تعاني من نقص الوسائل و .و.و.و.و.و. ولا داعي للكلام
- متوسط طريق الجزار تعاني من الاكتظار
وفي الاخير بريكة وثانوياتها مش تاع قراية ومع احتراماتي