السلام عليكم

1= الدقيق يكون من النوعية الجيدة

2=من الاحسن يكون الدقيق ميل لانو يكون رقيق باش ميتعبش في الدليك.كيما يقولو هنا فرخ

3=اذا كنتو في فصل الصيف من الاحسن انو تبلو العجين من ماء بارد من الثلاجة

4=في 5كيلو دقيق ديرو 2مغارف اكل خل

راح تقولو واش دور الخل هنا

اذا كان الدقيق ليس من النوعية الجيدة يبان

ويساعد الخل على الدلك

وكيما نقولو يدير الخيط في العجين

5=لمو العجين وخليوه يرتاح مدة من الزمن يساعدكم ومستعبكمش بزاف
6=غطيوه بغطاء بلاستيكي باش ميقرفلش .ميديرش القشرة
7=بعد الدلك اتركو العجين يرتاح وغطيوه بالبلاستي
8= اخر حاجة الملح وندلك مليح باش يتخلط
9=تكوروه كويرات صغيرة او تلوزوه كيما نقولو حنا وتغطيه باش ميقرفلش
10=الراحة وثم الراحة وثم الراحة مش ليكم ههههههههههههههه للعجين
11=تحضري وعاء غميق تناصفيه بالزيت
وترمي فيه كويرات العجين
راح تقولو واش راها تخرط هذي علينا
الزيت يساعد العجين ويريح وسهل بسطو
ور اح تقولو هذي الطريقة تخسر الزيت بزاف
لالا لالالالالالا
هذي الطريقة توفر الزيت صدقوني
وجربو وردولي الخبر

هذي بعض النصائح

قالت نقالكم عنهم بالك كشما تهزو منهم قبل متديرو الفطير

صح عيدكم

نسيت




لي تعرف حاجة تقولي عليها

حتى انا نجرب

وكشما نسي فكروني