الزواج ـ شعر فكاهي ـ

سلكها يا سلاك شعر ملحون هزلي .... تاليف مصطفى صحراوي الهواء الجميل

نصحوني اصحابي مـــرة بالزواج
و قالولي بركاك من التـــــعــــواج
راهي رايحة ترمــــيك الامـــــواج
اذا بقيـــــت في العــــــــزوبـــيـــة

بقيت في الليــل نطلع لحســـــاب
ولـــقيـــت كلامـــهــــم صــــواب
و في الــغــد بـعــثـــــتهـم نــواب
يطرحوا لاهــــلي القـــضـيـــــــة

بابا وافـــــــــق فــي الحـــــــــال
و قال نجـــيــبوا بــنـــت الخـــال
و يمـــا جـاهــــا في البـــــــــــال
تخـــطب لي وحــــــدة بـــدويـــة

تفاهــمــنا على بنــت المدينــــة
قالــــوا فاهـــمـة و رزيــنـــــــة
راهي تتمخـــمــخ في الكـوزينـة
تطـــبـــخ طبخـــــات شـــهيــــة

عــــولنا و قصـــدنا لهـــم الدار
حاملــــين في يديــــنا نـــــــوار
و درنـــا روحـــــــــــــــنـا زوار
قاصــــدين البــــيت المعـنـــــية

الرجل في بنـــتو يشــــكر ويزيد
قاريـــة ما تـــركت مـــسيــــــــد
و صحيــحـــة كيمــا لحـــديـــــد
بنـــت العــــلم و الــــــتربيــــــة

قلت واش هـــي الشـــــــــــروط
راني صرت بكــــم مربــــــــوط
و مالي عنـــدكم محطــــــــــوط
ونزيــــــد لكم الشـــهريــــــــــة

قال لي يا ولــــــدي سجــــــــــل
عشـــرين صبـــاط باش تبــــدل
وخمسيــــن ســــروال مفــصــل
ويكـــــونوا ضــيقــين شــويـــة

وزيـــد كــيــلو ذهـــب صافــــي
و تجـــيــبــو وانت حــافــــــــي
و الشنـــتــوف ماشـــي كافــــي
راني درت فيك مزيـــــــــــــــــة

بنتي راهي غاليـــة وشـــريفــة
ما تتركــش يدهـــا خــفــيفـــــة
عشرين خاتـــم في قـــفيفـــــــة
تحطهم في يدهـــا هــــــــــــــي

كرافـــاش بولحيــــة ما تنســاه
والمليون لازم يكـــون معــــــاه
والحايك مرمه لازم تلقــــــــــاه
وتجــيـبـو لبـنـتــي هديــــــــــة

قال لي اسمع يا سي مـــــــوح
بلاك تنسى خيـــــــــــط الروح
باش يزيد لبنتي في الــــــروح
و تبقى لك ديما حيـــــــــــــــة

تشري لها عشـر كبــــــــــــاش
و الجاج المشـوي ما تنســـاش
و زيد لها شـوية قمـــــــــــاش
هذي حاجة رمــزيـــــــــــــــــة

بنتي ما تضربش النشـــــــاف
وللحمام تخرج بلا تلحــــــاف
وشعرها تجيب له حفــــــــاف
وتزور امها كل عشيـــــــــــة

الطفلة نطقت من هيـــــــــــه
يا بابا لازم تنهيـــــــــــــــــه
يتركني ديما نحكم فيــــــــــه
ويمشي معايا بالنيـــــــــــــة

قال لي الشرط راه خـــــلاص
نقراو الفاتحة قـدام النـــــاس
قلت له هـذا لابــــــــــــــــاس
وين الهربــــــــــــة يا خــويا

درنا العرس نهــار لخميــــس
وكثر فيه الهاراج والتعفــيس
والحــالة ولات رفيـــــــــــس
والناس تضحــك علـــــــــــي

الماكلة مستفــــــــة تستــاف
وكل واحد رافـــد غــــــــراف
وهذا ياكـــل بالزعـــــــــــاف
ويختمــــها بالكـفــريـــــــــة

المطرب يخرط على النـــاس
والدرابكي يعفس تعـــفـــاس
والجمهـــور اداه النعــــــاس
والبراح يهـــف شويـــــــــة

جابوا لعـــروســــة للبيــــت
وكي شفتها ثمـــه بكــــــيت
قاعدة ثمـــه كي العفـــــريت
غير تتخــــــــــــــــنــــز ر في

شعرها على الطابلة محطـوط
وراسها من الشعــر مزلـــوط
ورافدة معاها عشــر قطـــوط
تلعب لعبــة هزليــــــــــــــــة

لقيتها مركبة قطـــــــع غيــار
حواجبها واسنانها ولــشفــار
و كي ضحكت كل شــي طــار
هذي ماركـــة عصريـــــــــــة

قالت لازم نبقـــــــــــى حـــرة
ويماك لازم ترميــــها بــــــرة
وما تكثــــرش انت الهـــــدرة
راني طفــــلة مدعــــــــــــــية

قالت خف اطــلع بالبـــــرمــي
قلت يا امــرا لازم تفهــــــــمي
ترفدي حوايــجك و تـلـــــــمي
و طــيري الـــــــــــيوم علـــي
منقول

شعر جميل سيدي الكريم
بارك الله فيك
نتتظر المزيد لاننا نعلم ان في جعبتك الكثير

بارك الله فيك

والله يا اخي شعر جميل وفكاهي بطريقة جيدة ..رغم انني لا أقرا الاشعار

قالت خف اطــلع بالبـــــرمــي
قلت يا امــرا لازم تفهــــــــمي
ترفدي حوايــجك و تـلـــــــمي
و طــيري الـــــــــــيوم علـــي

هههههه لخسارة فيها فيها سواء ان كانت زوجتهُ المستقبلية او ذلك الكيلو من الذهب الصافي (الصافي)

الهم ارزقنا زوجات مؤمنات صالحات قانتات حافظات
مشكور اخي وجزاك الله خير

هههههههههههههه مليح

هههههههههه شعر شعيي
جميل جدا
واصل ولا تفاصل
لقيتها مركبة قطـــــــع غيــار
حواجبها واسنانها ولــشفــار
و كي ضحكت كل شــي طــار
هذي ماركـــة عصريـــــــــــة

تشري لها عشـر كبــــــــــــاش
و الجاج المشـوي ما تنســـاش
و زيد لها شـوية قمـــــــــــاش
هذي حاجة رمــزيـــــــــــــــــة
صار هدا شى وقليل ربي عونك خويا لعريس
انا نبطل زواج